Haydi Milli Takim

استعرض الموضوع السابق استعرض الموضوع التالي اذهب الى الأسفل

Haydi Milli Takim

مُساهمة من طرف Orhan ALPARSLAN في الثلاثاء مايو 27, 2008 9:22 pm

مرحبا يا شباب

مع أنو لازم الموضوع يكون بالمنتدى الرياضي بس حبيت يكون بالمنتدى العام ليقراه الكل و نشوف الردود كلنا لأنو شفت في شوية تقصير بالمنتدى الرياضي



رجعوا بالزاكرة شوي من 6 سنين بكأس العالم مستحيل أي إنسان بيحب كرة القدم ما شاف المنتخب التركي وأعجب فيه لأنو كان منتخب من الطراز الأول و كان بيحمل أسماء من ذهب صحيح أنو الكأس ما كان لألنا لأنو هدف البرازيل حرمنا من التأهل للنهائي بس الحمد لله

هديك الأيام مستحيل إنساها أخدنا المركز الثالث والبرونز كان من نصيبنا وأسرع هدف بتاريخ كأس العالم وأجمل لاعب بالبطولة كل هدول بفضل الله كانو من نصيبنا

ومن هداك الوقت المنتخب التركي ما بين على الساحة بيورو2004 ما تأهل على النهائيات و أنحرمنا منو كمان بكأس العالم 2006 وقتها زعلت كتير كنت حابب شوف هاكان وشاش وكوركماز وألباي و توجاي و روشتو وايمري وأوميت ويلدراي و نهاد و نجاتي وكنت متشوق كتير لشوف إلهان مانسينز هلاعب أكل من قلبي شقفة و بقية الشباب يلي مازكرت أسمائها ومرت أيام البطولة وقتها وما كان صديق إلي غير المنتخب الألماني يلي بحبو من صغري وكنت تابع المباريات مع رفقاتي بالقهوة وبقية المباريات تابعن على القمر التركي لأنو تشفر على العربي وبهداك الوقت شفت دعاية وكانت كتير حلوة وبتعطي دافع معنوي كبير كانت الدعاية للمنتخب التركي لأنو ماقدر يكون بنهائيات البطولة عم تحفزوا للبطولة الجاية يلي نحنا على وقت كتير قريب من أفتتاحها ومن هداك الوقت و أنا عم استنى البطولة وأكيد الكل تابع التصفيات والمباريات يلي ثابر فيها المنتخب حتى وصل على النهائيات

وهلق الأب الكبير لكل الرياضيين الأتراك المدرب الكبير فاتح تيرم من خلال خبرتو الكبيرة والطويلة رح يرجعلنا الفرحة بإذن الله أشتغل فاتح على الشباب كتير وبالأخير فاجئ الكل بالتشكيلة النهائية للمنتخب يلي بتضم نجوم كبار ومحترفين بأوروبا وعسكر بألمانيا لتجهيز المنتخب وصرح أنو أختار ألمانيا مشان الأتراك الموجودين فيها ولهلئ الأستعدادات جارية على قدم وساق والمباريات الودية عم تجرى لأختبار جاهزية و قوة اللاعبين والمنتخب التركي هو المنتخب المسلم الوحيد بالبطولة فبتمنى من الكل أنو يدعي ربو ليوفق هالمنتخب يلي رح يفرحنا بإذن الله وأكيد هالأبطال مارح تقصر لأنو كل من ايمري ونهاد و تونجاي وحميد و خليل ويلدراي و أيهان وأردا وصبري ومحمدتوبال وهاكان وسيرفت وسميح وأوريليو وكازم وبورال وكوكهان وفولكان وروشتو وايمري أشيك وكوكهان زان ومولود وكارادينيز وبقية الشباب يلي معتمدين على الله بعدين عليهم رح ترفع راسنا بإذن الله لأنو كل رفقاتي ناطرينا نطلع من البطولة ليشمتوا فينا وخصوصي يلي بيشجعوا البرتغال ودايما بيقولولي رح تزعلو من أول مباراة يا أتراك لأنو المباراة الاولى مع البرتغال يلي هو من أقوى فرق أوروبا وانا كل يوم عم تابع تدريبات المنتخب وتصريحات اللاعبين والمدرب وبأخر تصريح للمدرب خبر الجماهير احتمالية عدم مشاركة كل من النجمين كوكهان كونول وسيرفت بسبب الأصابات وهيك رح يخسر المنتخب التركي أقوى مدافعين بالمنتخب ويارب يتعافو لوقت المباريات وعلى فكرة ياشباب فاتح تيرم ذئب رمادي للعضم



تركمان الجولان إلهن مفاجأت كتير حلوة بخصوص البطولة وكلها من عندي لأنو كلنا بصوت واحد وسوا بدنا نشجع وبقية الأخوة من المحافظات بدنا تخبرونا الأخبار عندكن لأنو بلش عنا رفع الأعلام وشراء الكنزات المنتخب وكنزات عن البطولة و بكرا التفاصيل بتشوفوها بالصور

ويارب تكون يورو 2008 لألنا

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف زائر في الثلاثاء مايو 27, 2008 11:52 pm

ماشاء الله عليك يا اخ اورهان
وين كنت كل هالفترة
وانشاء الله بجهودك وجهود الأخوة الرياضيين
بيرتفع اسم تركمان سورية ابتداءًََ من لعبة كرة القدم
اللي مافي حدا مابيحبا او بيتابعها
تقبل مروري

زائر
زائر


الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف بيبرس في الأربعاء مايو 28, 2008 2:59 am

فكره ممتاز أورهان كتير الرائع


الله يوفق منتخب تركيا

بيبرس

بيبرس
Üst çavuş

عدد الرسائل : 208
تاريخ التسجيل : 22/03/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف وسيم حجوك في الأربعاء مايو 28, 2008 9:25 am

بالتوفيق للمنتخب التركي البطل


تركيا تركيا تركيا

تقبل مروري وتحياتي أورهان

وسيم حجوك
Üsteğmen

عدد الرسائل : 617
العمر : 43
العائلة التركمانية : oğuz Begdili
تاريخ التسجيل : 11/03/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف أبوبكر برق في الأربعاء مايو 28, 2008 10:22 am

شي حلو كتير كتير أورهان مليح إنك بينت

الله يوفق المنتخب التركي والسوري كمان
إعلان :
يوجد شورت رياضي رمادي اللون ماركة (n)
ضاع بحمص ............... لمين

أبوبكر برق
Üsteğmen

عدد الرسائل : 637
العمر : 48
الموقع : حمص - باباعمرو
العائلة التركمانية : oğuz Begdili
تاريخ التسجيل : 10/03/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف lonely wolf في الأربعاء مايو 28, 2008 6:37 pm

شوووووورت

رمااااااادي
ضاااااااااع
بحممممممممممص
إه لالالالالالالا
شلووون كييييف
في ان ولكن يا اورهان

lonely wolf
Binbaşı

عدد الرسائل : 1156
العمر : 33
العائلة التركمانية : oğuz Salur
تاريخ التسجيل : 15/03/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Emre في الخميس مايو 29, 2008 1:58 pm

بأذن الله رح يرفعوا الرأس

والبطولة إلنا

Emre
Ast çavuş

عدد الرسائل : 54
العائلة التركمانية : oğuz Avşar
تاريخ التسجيل : 04/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Emre في الخميس مايو 29, 2008 2:09 pm

بس ما فهمنا قصة الشورت

Emre
Ast çavuş

عدد الرسائل : 54
العائلة التركمانية : oğuz Avşar
تاريخ التسجيل : 04/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Orhan ALPARSLAN في الخميس مايو 29, 2008 6:01 pm

مافي قصة هي مزحة من مزحات عمي أبو بكر

ولا في شي عم ؟؟
الله يخليك وضح

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Orhan ALPARSLAN في الخميس مايو 29, 2008 6:02 pm

مافي قصة هي مزحة من مزحات عمي أبو بكر

ولا في شي عم ؟؟
الله يخليك وضح

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف أبوبكر برق في الخميس مايو 29, 2008 7:36 pm

القصة وما فيها ياشباب :

حبيبنا أورهان نسي شورتو بحمص .....وبس

أبوبكر برق
Üsteğmen

عدد الرسائل : 637
العمر : 48
الموقع : حمص - باباعمرو
العائلة التركمانية : oğuz Begdili
تاريخ التسجيل : 10/03/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف lonely wolf في الخميس مايو 29, 2008 7:59 pm

آهاااااااااااااااااااااااااا

lonely wolf
Binbaşı

عدد الرسائل : 1156
العمر : 33
العائلة التركمانية : oğuz Salur
تاريخ التسجيل : 15/03/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف bozkurt oglu في الخميس مايو 29, 2008 9:11 pm

اللي مافي حدا مابيحبا او بيتابعها

أخي سربست على ما يبدو أنو م إلأك علم بانو حاولنا نشكل فريق لتركمان الجولان
لكن الحمد لله كان في عالم ما بدن الفريق يصير و ما صار
و أ{جوا أ،و يكون كلامك محدد مرة تانية

bozkurt oglu
Üst çavuş

عدد الرسائل : 215
العمر : 28
العائلة التركمانية : oğuz Avşar
تاريخ التسجيل : 13/04/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Orhan ALPARSLAN في الجمعة مايو 30, 2008 11:46 am

له يا أخي يا أبن الذئب الرمادي

الفريق ما نتها موضوعو بس هلق فترة إمتحانات

وشكرا عمي أبو بكر هدا مو شورتي لأنو شورتي مانسيتو

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف GOKHAN في الجمعة مايو 30, 2008 4:05 pm

بلله ما انتها موضوع الفريق

شلون هيك هي ما فهمتها
اعربلي ياها

يحرء أخت هالمتحانات يلي ما بدها تخلص
الها سنة

GOKHAN
Üst çavuş

عدد الرسائل : 180
العائلة التركمانية : oğuz Avşar
تاريخ التسجيل : 19/03/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Orhan ALPARSLAN في الجمعة مايو 30, 2008 8:14 pm

الفريق بس للرجال مشان هيك ما عم نجيب سيرتوا قدامك

لأنك إنت و EMRE هلق عم تلعبوا مع الشباب ؟؟؟؟؟
فهمك كفاية

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف زائر في السبت مايو 31, 2008 12:19 am

تحية غالية للأخ بوظ قورط اوغلو

نعم عندي علم بهذا الفريق
اما العالم اللي مابدها الفريق يصير عنجد ماعني فكرة عن الموضوع
بس بقلول يكسّر ايديكن لهالعالم اللي مابدها الفريق يصير


(اللي مافي حدا مابيحبا او بيتابعها)
انا شايف انو كلامي كتير بسيط وواضح وما فيو شي غريب

زائر
زائر


الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Abo Deniz في الأحد يونيو 01, 2008 10:52 am

تركيا

تركيا
تركيا
تركيا
تركيا
تركيا
بلش رفع الاعلام

بوز قورت لازم نشوف العلم مرفوع بالبيت ها

_________________

Abo Deniz
Yönetici

عدد الرسائل : 523
العمر : 30
الموقع : damascuse
العائلة التركمانية : oğuz Avşar
تاريخ التسجيل : 06/03/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Orhan ALPARSLAN في الأربعاء يونيو 04, 2008 11:47 am

لك الفريق رح يصير

والبطولة لألنا
والأعلام كلها بدا تضل بالعالي

ولعيونكن يا شباب

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Orhan ALPARSLAN في الأربعاء يونيو 18, 2008 4:29 am

السلام عليكم جميعا

لعب المنتخب التركي أول مباراة مع البرتغال وللأسف خسر بفارق 2 - 0
وكتير حكة بقلبوا أنو خلص البطولة مبينة من أولها
ولما لعب المنتخب المباراة التانية كان الشوط الأول عبارةعن بركة مي وكان اللعب لصالح سويسرا حتى قدر اللاعب السويسري التركي الأصل هاكان ياكين من تسجيل هدف بمرمى تركيا ولأنو أصلو تركي ما فرح بالهدف يلي حطوا على أهلو
وضلينا عم نتابع المبارة على أعصابنا حتى قدر المهاجم التركي نهاد قهوجي من رفع الكرة لتصل لرأس المهاجم سميح شينتورك ليحرز الهدف الأول للمنتخب التركي بالبطولة وليتعادل مع المنتخب السويسري وقتا فرحنا وعيطنا كتير لأنو عطتنا أمل مشان نبقى بالبطولة وضلينا مشدودين للمباراة حتى الدقايق الأخيرة وقتها قدر اللاعب التركي أردا توران بتسجيل قذيفة في الشباك السويسرة الشي يلي خلانا نفرح كتير ونصرخ بأعلى صوت وعطانا التشجيع لتبقى تركيا داخل لبطولة
بدت المبارة التالتة وهون كنت حابب أحضرها مع الشباب رحت أنا وتوران وسربست لمنزل صديقنا أحمد وهنيك كانو أخوانو لأحمد عم يحضروا المباراة معنا بدأت المباراة وكان اللعب للمنتخب التشيكي وقدر العملاق يان كولر من تسجيل الهدف الأول للتشيك ونحنا أنضرب على قلبنا وضل اللعب للتشيك أقوى مع وجود هجمات تركية بس بدون تسجيل وقدر المنتخب التشيكي من تسجيل الهدف الثاني وهون قلنا خلص ودعنا
وبعدا أبى أحفدا العثمانيين من الأستسلام والخروج مبكرا من البطولة وهون بلشت الهجمات التركية وكأنها غزوات ما كانت تنتهي وكان أصرار المنتخب التركي مو متل أصرار البشر لأنو ما حدا شاف بتاريخ كرة القدم هيك أصرار فعلا كانو ذئاب بمعنى الكلمة وهون الكل أستبشر خير وكان معنا واحد ضل يقول في تعادل ونحنا نقول إن شاء الله وبدقيقة 75 قدر اللاعب أردا توران من تسجيل الهدف الأول للمنتخب التركي الشي يلي خلانا نفرح ونعيط كتير من فرحتنا وتتالت الهجمات كأنها حروب للتحرير وضل المنتخب التركي يناضل حتى قدر بالدقيقة 87 من تسجيل الهدف التاني للمنتخب عن طريق اللاعب الكبير نهاد قهوجي وهدا كان هدف التعادل هون كان أحلى شعور أنبسطت بشكل مو طبيعي وصرنا أنا توران نعانق بعضنا من الفرحة ونعيط متل المجانين وما لحقنا نعد على رجلينا حتى كان نهاد مسجل الهدف التالت هدف الأنتصار وهون للأسف فيقت كل الجيران من الفرحة بالتعاون مع الأخ توران لأنو هاد الهدف كان هدف الأنتصار
الربع ساعة الأخيرة من هالمباراة مستحيل أي تركي ينساها لأنو الأبطال قدموا شي مو طبيعي ولهلأ كل الصحف والمجلات والقنوات عم يحكوا بالربع ساعة يلي قلب فيها الأتراك الموازين
وبعد ما أنتهت المباراة نزلنا أنا وتوران و سربست وقعدنا نبارك لكل الأخوة بالأنتصار


وهلق إن شاء الله كلنا بدنا نركب بهدا الباص ونروح سوى على القهوة لنقول بصوت واحد تركيا




هدا شو عم يصير بالشام فياريت تخبرونا شو عم يصير بحمص ( عمي أبو بكر )وبأستنبول (رمادي ) وبسعودية ( أخ وسيم ) والأمارات ( بيبرس ) وبقية المحافظات للي ما ذكرتها وما ذكرت أهلا الطيبين
وإن شاء الله رح ننتصر على كرواتيا وبقية المنتخبات ونربح البطولة

أسف على التقصير بس للبارحة لخلصت أمتحاناتي وإن شاء الله نت****

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Orhan ALPARSLAN في الأربعاء يونيو 18, 2008 4:54 am





شو رأيكن لما يكون عنا هيك مدرب
الحمد لله أنك يا فاتح مدرب المنتخب لأنك رح بتحس بالمسؤلية أكتر من أي حدا تاني
وكمان أنا خايف عليك قد ما عم تعصب الله يحميك ويحفظك

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف أبوبكر برق في الأربعاء يونيو 18, 2008 10:08 am

إلي صار بحمص فتحنا باب تبادل التهاني الساعة 12 باليل

سألونا الجيران خير ..خير شوفي ؟
جاوبناهم :
المياه وصلت على الخزانات بالسطح

أبوبكر برق
Üsteğmen

عدد الرسائل : 637
العمر : 48
الموقع : حمص - باباعمرو
العائلة التركمانية : oğuz Begdili
تاريخ التسجيل : 10/03/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Orhan ALPARSLAN في السبت يونيو 21, 2008 2:15 am

حلوة عم أبو بكر

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

رد: Haydi Milli Takim

مُساهمة من طرف Orhan ALPARSLAN في السبت يونيو 21, 2008 2:26 am

يعني قد ما حكينا قليل

فريق صنع معجزة كان المعلق عم يقول بدنا معجزة قام صارت معجزة
الحمد لله فزنا وهلق صار الدور لملاقاة الألمان
ما رحنا على القهوة بس رحنا على أسطوح رفيقنا كنا كتار والحمد لله
ورح أترك البقية لتوران أو حدا من الشباب

Orhan ALPARSLAN
Çavuş

عدد الرسائل : 110
العائلة التركمانية : oğuz Avşar
تاريخ التسجيل : 27/05/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى